Gwen Renée Stefani (Fullerton, California, Estaos Xuníos; 3 d'ochobre de 1969)[11] más conocida como Gwen Stefani ye una cantante, compositora y diseñadora de moda estauxunidense. Debutó como cantante en No Doubt nel añu 1986 y algamó la fama col tercer álbum d'estudiu de la banda tituláu Tragic Kingdom. D'esti llanzóse'l senciellu «Don't Speak», unu de los más reconocíos na historia mundial. Los siguientes álbumes del grupu fueron Return of Saturn y Rock Steady, qu'incluyíen influencies de ska y new wave.
El so primer álbum como solista foi Love. Angel. Music. Baby., inspiráu na música de los 80 ya inclúi ritmos hip hop, R&B, pop y dance.[12] Tuvo gran acoyida mundial y aportó a unu de los álbumes más vendíos de 2005.[13] El tercer senciellu del álbum tituláu "Hollaback Girl", foi certificáu pola RIAA como'l primer cantar en llegar al millón de descargues dixitales.[14] El so segundu trabayu como solista titulóse The Sweet Escape, que llanzó cinco senciellos. Foi 8 vegaes nomada a los premios Grammy y ganó nuna ocasión. Toles sos ventes incluyendo a la banda No Doubt superen los 50 millones d'álbumes.[15]
Gwen Stefani ye conocida como diseñadora de moda. En 2004 llanzó una empresa d'indumentaria llamada L.A.M.B.. Esta cumplió un récor d'acabar tola coleición nun día.[16] Tien 3 llinies, "L.A.M.B.", "Harajuku Lovers" y "Harajuku Mini". En 2007 y 2008 llanzó un arume, respeutivamente "L", y una coleición d'arumes "Harajuku Lovers fragance" con 5 botelles personalizaes llamaes "Love", "Angel", "Music", "Baby" y "G" que cunta con 3 ediciones ilimitaes y 3 versiones alternes ilimitaes del arume "G". Casóse col cantante Gavin Rossdale en 2010, col que tien tres fíos, Kingston James McGregor, Zuma Nesta Rock y Apollo Bowie Flynn.[17] En 2015 Stefani y Rossdale dixébrense.[18]
<ref>
nun ye válida; nun se conseñó testu pa les referencies nomaes gspg
© MMXXIII Rich X Search. We shall prevail. All rights reserved. Rich X Search